Deur ‘n gedeelte van die Monument te ‘koop’, kry die ‘koper’ ‘n sertifikaat wat aandui watter gedeelte van die Monument hy/sy ‘gekoop’ het. Die name word dan in die Voortrekkermonument se argief aangeteken vir die nageslag as diegene wat tydens hierdie ernstige krisis ‘n verskil gemaak het deur finansieel by te dra. Hy/sy word dan ook ere-‘eienaar’ van die Monument. Die Monument bestaan uit ‘n groot aantal argitektonies-belangrike elemente en kunswerke soos die hoekfigure, die marmerfries-panele, granietstene, die venstertjies, die walaer en so meer. Pryse wissel van R20 per trappie tot R100 000 vir een van die marmerfries-panele.